Oor die afgelope 11 jaar het Appel oftewel Christoph Kotze homself stewig gevestig in die Suid Afrikaanse Musiek-industrie. Hierdie befaamde liedjieskrywer is verantwoordelik vir van die grootste treffers in die Afrikaanse musiekgeskiedenis. Om dit te kroon, het hy homself ook as baie populere musikant en sanger bewys op verskeie verhoe regoor die land!

Sy debuut album, LEI MY NA DIE WATER, wat vrygestel is in 2017 was dadelik ‘n weghol sukses. Die titelsnit op hierdie album was nommer een op verskeie radiostasie en word steeds op radiostasies gespeel. Die liedjie was geinspireer deur n tyd toe hy in die hospitaal was. Dit was in hierdie tyd dat sy rots en steunpilaar, Sally-Ann, hom bygestaan het. Haar onkondisionele liefde en hulp het hom laat besef watter groot krag daar in ware liedjie is. Die album was vrygestel met n triolgie van musiekvideos wat sy geveg en oorwinning oor die dood simboliseer. Sy tweede album, BOER LOOP DEUR MY ARE, was baie goed ontvang is deur die publiek.  Die titlesnit het reeds meer as 3 miljoen kyke op YouTube en was op verskeie radio stasies die NOMMER 1 liedjie. PATRIOT, sy nuutste album, is ‘n refleksie op sy Afrikaner kultuur. Dertien oorspronklike snitte neem die luisteraar op n reis deur ‘n wye spektrum van emosies – van tong in die kies humor tot pragtige boodskappe van hoop!

Appel is passievol oor musiek en glo hy het sy liefde vir musiek by sy ouers gekry.  Hy voel voorwaar geseend om sy liefde vir musiek te kan uitleef en ook dat as jy nie die liedjie in jou wese voel nie dit nie vir jou is om te sing nie. Oor die afgelope elf jaar het Appel se musiek harte verower en pryse ingepalm regoor die land en hy is opgewonde om nog vir n hele paar jaar op verhoe in Suid Afrika op te tree en musiekliefhebbers te vermaak!